Mittwoch, 25. August 2010

La frage

Nach der Lesenacht (ich, 20 min. geschlafen, klinisch tot, Frida, 22 min. geschlafen, topfit):

"Frou Gangiee, dr Fritzli hett mi ar Läsinacht la frage, scho zum sibte Mau."

Ich (näxte Woche startet Aufklärungsunterricht, Block 1): "Und, was hesch xeit?"

Frida: "Nei dänk. Aber es isch härzig xi."

Ich: "Und iz, isch er trurig?"

Frida: "Nenei, är hett när zHanni la frage."

Ich: "U du, Hanni, was hesch xeit?"

Hanni: "Nei, dänk. Susch bechumi wider sones Gschänkli."

Ich: "Was de für eis?"

Hanni: "Zletscht Mau, woni ja ha xeit, hett er mir es Chetteli gschänkt."

Ich: "Jö, härzig. Hesches anne? Das da?"

Hanni (prustend): "Sicher nid. Es isch drum vom Claires."

Ich: "Was aber dir finget doch Claires so super?"

Hanni: "Jascho, aber ds Chetteli isch drum us dr Babyabteilig."

Ich: "Aha, ups."

Hanni: "Aber es isch glich no tüür xi, zwöuf Franke füfenünzg."

Ich: "Wiso weisch du das? Hett er dir das xeit?"

Hanni: "Nei, är isch chly e toupatsch. Er hett ds Prisschildli dranne gla."

Uups zum Zweiten...

Dienstag, 17. August 2010

3 Akte - have fun!

Neues Musikthema nach den Ferien: JOSEPH HAYDN, der Grosse.

Ich spielte den Kindern zum Einstieg ins Thema Haydns Kaiserquartett ab (wurde später die deutsche Nationalhymne. Sorry, liebe Musiker und Musikwissenschaftler, wenn ich hier etwas arg abkürze, ich nehme Korrekturen oder Ergänzungen gern entgegen).

Ufjedefall; ich, nach dem Stück (und nochly Bärndütsch, Ferien sind ja grad erst vorbei):
"Wäm chunnt di Melodii bekannt vor?"

Ein Raunen geht durch die Klasse, die Kids schauen sich an, zucken die Schultern, schütteln die Köpfe.

Ich: "Vilech seit sy de Fuessbaufäns öppis?"

Fritzli: "Ah, das isch doch irgendsone Hymne!"

Ich: "Super, genau! Und weisch weli?"

Hansli: "Die vo Tottenham!!"

---

Ich: "Guet, dir xet, 300 Jahr aut isch die eigentlech scho, di dütschi Hymne. Und wär hett se komponiert, wär hett ä Idee?"

Nino (schreiend): "Dr Alex Frei!"

---

Ich (da es Frei imfall nicht war): "Lueget, i schribe nechs a. J-O-S-E-P-H-H
Köbi: "Joseph Hitler, genau!"


Was soll ich noch sagen? Es ist emell gut, kommen die Kids wieder zur Schule. Irgendwie.

Donnerstag, 5. August 2010

Zeitlupe

Ursprünglich mal wollte ich euch vom Aufräumen berichten. Da mein Gehirn sich aber im Ferienmodus befindet und ich mich nicht erinnern kann, worums da genau ging, hier eine andere Anekdote. Fiel mir nach YBs gloriosem Sieg wieder ein.
(Yesss, gelbschwarz!)

Hanni sagte nämlich nach den Achtelfinalspielen:

"Frou Gangiee, zSchwirigschte ar WM findi dWiderholige."

Ich: "Ehrlech? Wiso de?"

Hanni: "Wöu dasch eifach u schwirig."

Ich: "Aber wiso meinsch de?"

Sie: "Wöu denn müesse si äxtra fürd Lüt am Fernseh nomau aues ganz tupfgenauglich mache. Wenns zum Bischpiu es Gou git, oder es Foul. Nume no äxtra langsam. I finde ds u schwirig."

Sind solche Aussagen nicht einfach - rührend?