Donnerstag, 19. Februar 2015

Girls talk

Neulich hatte ich das Vergüngen, im #tibits auf eine Freundin zu warten. Leider war sie ziemlich pünktlich, sodass das Vergnügen knappe 5 Minuten dauerte. In diesen 5 Minuten lernte ich von meinen beiden unbekannten Tischnachbarinnen aber schampar viel:

Kunstblondie 1:

"Aso, i wett iz ja de go dHaar schnide. I weiss eifach nid, öbs mir när chürzer steit."

Kunstblondie 2:

"Mou, aso, i dänke, weisch, sone Side-Effect, aso, so uf dr einte Site chly schreg u chly lenger, das würd dir imfau schono schtaa."

1: "Meinsch? I gloub äbe nid. Für das muesch huere dünn sy."

2: "Äuä, das chunnt doch ufds Gsicht drufaa!"

1: "Nei, wed über 50kg bisch, chasch sone Frisur vergässe. Er Rinderknächt steit sy zwar, weis o nid, wi schwär dass die isch!"

(Ich, leise denkend: Rinderknecht? Rinderknecht? Auch schon gehört. Wer ist das? Irgendeine Miss?)

2: "Nei, wed es schmaus Gsicht hesch, de geit ds. Du hesch doch es schmaus Gsicht."

1: "Ja, aber weisch, es geit so ums Gsamterschinigsbiud, weisch. Es mues när eifach stimmig si. Muesch eifach huere dünn sy für sone Frisur. U weisch, i wott wi nid när zu krass überecho mit sonere Frisur, weni nid gnue dünn bi."

2: "Iz verschtani gloub, was du meinsch."

(Ich nicht.)

1: "Ja, weisch, i kenne o eini, di isch chly feschter u hett churzi Haar. Aber das isch eifach rächt männlech. U i bi ja scho e Feminischtin. Aber i wott nid so überecho, weisch."

2: "Jajaja, ds verschtani. Du meinsch wi dWürkig isch när zkrass."

1: "Genau. Weisch, i dänke feministisch. Würklech vou. I bi vou unabhängig. Aber mis Üssere söu ja glich nid so si. Me so prinzässinne-ibruchedi-beschützmi-härzig-mässig."

(Meine Freundin kommt. Ob sich Kunstblondie 1 jemals die Haare schneiden wird? Eher nicht. Fände ich meine Frisur (ist das überhaupt eine? Eher nicht.) nicht mega gäbig (Haare zusammenbinden, fertig), ich ginge glatt zum Coiffeur für einen Kurzhaarschnitt. Affaire à suivre.)